JC talks about YAzzie

JC de Vera respects Yasmien Kurdi's silence regarding non-showbiz boyfriend

Balot G. Antazo

Thursday, March 13, 2008
04:19 PM



Handa nang makipagsabayan ang Drama Prince ng GMA-7 na si JC de Vera sa primetime via Gilda Olvidado's Babangon Ako't Dudurugin Kita opposite Drama Princess Yasmien Kurdi together with the country's most versatile actors and actresses like Marvin Agustin, Angelika dela Cruz and Ms. Dina Bonnevie in a very special role. First time masasabak ng binata sa primetime slot kaya excited siya sa pagsisimula ng serye sa darating na March 24.


"This is our third Sharon Cuneta movie starrer, kami ni Yasmien. The first two was Sine Novela presents Pati Ba Pintig ng Puso? and Pasan Ko Ang Daigdig, both are afternoon drama, kaya bale first primetime soap namin together ni Yasmien ang Babangon.



"This is something big and unexpected actually sa akin. Nakaka-pressure in a way but I have to prove myself na hindi sila nagkamali sa pagbibigay sa akin ng ganito kalaking break sa career ko," unang chika ni JC nang makausap ng PEP (Philippine Entertainment Portal) sa grand press launch ng Babangon Ako't Dudurugin Kita, last night, March 12 sa Oasis, Aurora Boulevard, Quezon City.


Nararamdaman ba niya na isa siya sa mga paborito ng Kapuso network dahil sa sunud-sunod niyang projects, sa TV at pelikula man?


"Siguro hindi naman po favorite talaga, ano lang siguro, isa lang ako sa nabibigyan ng chance. Happy ako dahil nabibigyan ako ng magagandang projects and I owe it siyempre sa manager ko, sa GMA-7, at sa mga taong naniniwala sa kakayahan ko as an actor," sagot pa ng guwapong aktor na gumaganap as Derek sa serye.


Hindi ba siya napi-pressure dahil isang magaling at batikang direktor sa katauhan ni Direk Joel Lamangan ang humahawak sa kanila?


"Well, hindi naman. Malaking bagay na naging direktor namin si Direk Joel and malaking bagay rin na sa first primetime show ko na lead, si Yasmien yung kasama ko. Malaking bagay talaga kasi yung confidence ko lalong tumataas dahil alam kong hindi nila ako pababayaan.



"Sobrang comfortable na kami and even with Direk Joel, sobrang laki ng itinutulong niya sa akin kaya ngayon sobrang confident na kami," sey pa niya.


THE DIREK JOEL EXPERIENCE. How is his experience working with Direk Joel Lamangan?

"Wala kaming problema kay Direk. Ang saya-saya namin at ang aga-aga naming napa-pack-up parati sa set. Nakatrabaho ko na siya sa Pasan, second straight ko na siyang nakatrabaho.



"Si Direk Joel, very professional. Masyado siyang disciplinarian, ayaw niya talaga yung nale-late, yung mababagal kumilos. Ayaw niya talaga yung papasok ka sa set na hindi ka prepared. So kami, ang ginagawa namin, homework talaga kami, once na nakuha namin yung script, pinag-aaralan agad namin. Well-prepared kami 'pag dumarating sa set kasi nga strict talaga si Direk.



"Overall, sobrang okey siya. Very different si Direk sa ibang director. Magkakaroon ka ng comparison once na makatrabaho mo siya. Excited kami magtrabaho dahil 12 midnight pack-up na kami, " mahabang kuwento pa ni JC tungkol sa batikang direktor.


PLAYING A BEMBOL CHARACTER. Ang character na ginampanan ni Bembol Roco sa movie version ang ginagampanan ngayon ni JC sa primetime teleserye. Ano bang preparation ang ginawa niya for the role?


"More on physical ang ginawa ko, nagpa-trim ako, nagpapayat pa akong lalo para mas magmukha akong bagets, nagtanggal ako ng bigote at nagbago ako ng hairstyle. Kasi yung past show ko, yung Pasan, medyo mas matured compared ditto. So, dito, kailangan kong mag-tone down ng kaunti. Dito ngayon, medyo nasa dark side kami, mga gang wars. Kinuha yung highlights noong original movie at nagdagdag ng ibang cast para madagdagan ng twists," paglalarawan ni JC sa preparation na ginawa niya.



Hindi ba siya natatakot na posibleng magkaroon ng comparison ang acting niya sa FAMAS and Urian award-winner na si Bembol Roco?


"Ang parati naman pong sinasabi sa amin, ‘pag may ginagawa kaming dating movie na ginagawang serye sa TV, sinasabi sa amin, huwag nyong totally gayahin kung anuman yung ginawa ng actors sa original. At least gumawa kayo ng sarili ninyong style kung paano ninyo aatakihin yung character," ani JC sa amin.



Pero mapapantayan kaya ni JC ang acting ni Bembol Roco?


"Feeling ko hindi. Kasi ibang atake yung ginawa ko."

ABOUT MS. D. Kinumusta rin namin kay JC ang experience niyang makatrabaho sina ang iba pang kasama sa serye, tulad nina Angelika dela Cruz at Ms. Dina Bonnevie.


"Lahat sila hindi ko ini-expect na ganoon ka-friendly. Na very warm yung pag-welcome nila sa mga katulad namin. Si Ms. D, masyado siyang makuwento, walang dull moments sa kanya.



"Noong una, nakaka-intimidate siya pero once na makausap mo na siya, wala ka nang problema. Very open siya kahit personal questions sinagot niya," kuwento pa ni JC tungkol kay Ms. D.


BLESSED WITH YAS. Ilang beses nang nagtambal sina JC at Yasmien, hindi tuloy maiwasang pag-isipan kung wala pa bang namumuong "pagtitinginan" sa kanila. Ano na nga ba ang status ng relationship nila ni Yas?


"Thankful and very blessed ako na si Yas talaga ang nakaka-partner ko, as in very blessed ako na umabot kami sa ganito.



"Kung tatanungin nyo kung may nade-develop sa amin, siyempre after each show, meron talagang nadi-develop. Hindi ko actually, ma-explain kung ano tawag sa 'special friendship' namin. Minsan yayakapin ko siya, yayakapin niya ako. Minsan hahawakan ko ang kamay niya. Sobrang comfortable na kami sa isa't isa na wala na kaming malisya sa isa't isa. Mas dumagdag na yung tawagan namin, regular na ang pagti-text namin sa isa't isa. Busy lang yung scheds namin kaya hindi kami nakakalabas madalas. But once in a while nakakalabas naman kami.



"Nag-post Valentine's day dinner kami together. Wala lang akong gift. Aminado naman kasi ako na hindi ako ganoon ka-thoughtful talaga. Pero mas masasabi ko, mas malambing kasi ako kesa sa magbibigay ako ng kung-anu-ano," kuwento pa ni JC.


Balita ring pinagseselosan na raw niya ngayon ang tunay na boyfriend ni Yasmien.

"Ewan ko po. ‘Pag magkasama kami hindi namin pinag-uusapan yon, e. Kapag kaming dalawa ang magkasama, kaming dalawa ang pinag-uusapan namin, sa aming dalawa lang. Tinatanong ko naman siya pero nirerespeto ko yung desisyon niya na tahimik na lang about it. Hindi naman siya nagde-deny, e. Hindi ko rin inuungkat ang love life niya."


Ano ba yung qualities ni Yasmien na gustung-gusto niya?


"Yung eyes niya maganda, yun nga ang sinasabi ng iba na pareho raw kami. Bagay raw kami kasi yung eyes namin parang nagko-connect daw. Si Yasmien kasi, may charm na hindi ko ma-explain, e.



"Yung friendship namin, nasa level na kami na napag-uusapan na namin na kahit anong sikreto at problema, puwede naming sabihin sa isa't isa. Yun ang puwede kong ipagmalaki ngayon, may usapan na kami na personal na talaga. Dati kasi, tamang comfortable, ngayon feeling ko parang soulmates na nga kami, e," pagkukuwento pa ng binata sa closeness at friendship nila ni Yasmien.


ON LEVEL WITH ‘CHARD? Since siya ang binansagang Drama Prince ng GMA-7, masasabi ba niyang magka-level na sila ni Richard Gutierrez pagdating sa kasikatan?



"No comment ako diyan. Kasi si Richard, si Richard na yun, e. Parang kapatid ko na rin si Richard. Hindi ako nag-e-expect na soon ay magiging katulad ko si Richard.



"Flattered ako 'pag nako-compare ako kay Richard. Actually, isa siya sa mga hinahangaan ko, kasi very professional talaga. Very dedicated. Yung pag-iisip niya towards work, iba, e. Iba talaga. Naa-adopt namin [yung pagiging very professional ni Richard]," manager kasi ni JC ang mommy ni Richard na si Annabelle Rama.



"At si Richard, grounded at very humble pa rin, hindi siya nagbabago. Anytime puwede pa rin namin [other talents of Annabelle Rama] siyang i-approach. Flattering na ma-compare ako sa kanya. It's really an honor. Lahat naman gustong ma-reach yung narating ni Richard. But as much as possible I want to build my own name.



"Idol ko sina Christopher de Leon and Johnny Delgado and someday gusto ko ring ma-achieve yung narating at nagawa nila sa industry," wakas ni JC sa aming interview.